Patentin və ya əmtəə nişanının istifadəsinə dair hüquqların hüquq sahibindən üçüncü şəxslərə verilməsi bir neçə müqavilə çərçivəsində həyata keçirilə bilər.

Verilən hüquqların tamlığından asılı olaraq, hüquqların tam verilməsi zamanı bütün hüquqların verilməsi haqqında müqavilə, müvəqqəti istifadəyə verilməsi zamanı isə lisenziya müqaviləsi bağlanır.

Hüquqların verilməsi və ya lisenziya müqaviləsi qüvvədə olan qanunvericiliyə əsasən dövlət qeydiyyatından keçməlidir, əks təqdirdə o etibarsız hesab olunacaqdır.

Əmtəə nişanları üçün hüquqların verilməsinə dair müqavilənin qanunvericiliklə işlənib hazırlanmış xüsusi forması tövsiyə olunur. Şirkətimizin patent müvəkkilləri həmin müqavilələri Azərbaycanın Patent idarəsində qeydiyyata alınmasında Sizə köməklik göstərəcəklər.

Qeydiyyatın uğurla və tez zamanda həyata keçirilməsi üçün patent müvəkkillərimiz öncədən Sizə müqavilələri tərtib etməyə kömək göstərəcək, həmin müqavilələrin məzmununa dair tələblərlə tanış edəcəklər.